MH News Marathi
Hindi News Portal

मध्य रेल्वेसह हार्बरवर मेगाब्लॉक, रेल्वे प्रवाशांसाठी रविवार त्रासदायक;

मुंबई : रेल्वे रुळांची देखभाल-दुरुस्ती व अन्य कामांसाठी रविवारी मध्य रेल्वेसह हार्बर मार्गावर मेगाब्लॉक घेण्यात येईल. याच दिवशी पश्चिम रेल्वेमार्गावरही जम्बोब्लॉक घेण्यात येणार असल्यामुळे मुंबईकरांना रेल्वे प्रवास त्रासदायक ठरणार आहे.
मध्य रेल्वेच्या मुलुंड-माटुंगा अप जलद मार्गावर रविवारी सकाळी ११ वाजून १५ मिनिटे ते दुपारी ३ वाजून ४५ मिनिटांपर्यंत मेगाब्लॉक घेण्यात येईल. त्यामुळे सकाळी १० वाजून ३७ मिनिटे ते दुपारी ३ वाजून ६ मिनिटांपर्यंत कल्याणवरून सीएसएमटीकडे जलद मार्गाने धावणाऱ्या सर्व लोकल दिवा आणि परळ या स्थानकांदरम्यान अप धिम्या मार्गावर धावतील. तसेच सर्व स्थानकांवर थांबतील. ब्लॉकमुळे लोकलला इच्छितस्थळी पोहोचण्यासाठी १५ ते २० मिनिटांनी विलंब होईल.
रविवारी सकाळी १० वाजून ५ मिनिटे ते दुपारी ३ वाजून २२ मिनिटे यादरम्यान छत्रपती शिवाजी महाराज टर्मिनस (सीएसएमटी)वरून सुटणारी डाऊन जलद, सेमी जलद लोकल नियमित थांब्याशिवाय घाटकोपर, विक्रोळी, भांडुप, मुलुंड आणि दिवा या स्थानकांवर थांबतील. रविवारी सकाळी ११ ते सायंकाळी ६ वाजेपर्यंत सीएसएमटी येथून सुटणाºया आणि थांबणाºया सर्र्व धिम्या गाड्यांना स्थानकावर पोहोचण्यासाठी १० मिनिटांचा विलंब होईल. ब्लॉक काळात दादर, सीएसएमटी येथे येणाºया मेल, एक्स्प्रेस मुलुंड आणि माटुंगा स्थानकांदरम्यान अप धिम्या मार्गावर धावतील.

Leave A Reply

Your email address will not be published.